28.09.2021
- Advertisement -spot_img

სისხლიანი გარჩევა წინანდლის ტყეში. ერთ-ერთი მოკლული ზურაბ ზვიადაურის ძმაა

სისხლიანი გარჩევა კახეთში – წინანდლის ტყეში სამი ადამიანი ჩაცხრილეს. “პირველებს” წყარო უყვება, რომ ერთ-ერთი მოკლული ოლიმპიური ჩემპიონის, ზურაბ ზვიადაურის, ძმაა. “ტვ პირველის” ინფორმაციით, სასიკვდილო ჭრილობები მიაყენეს ზვიადაურის ახლო მეგობრებს, რომლებიც მასთან ერთად ტყეში იმყოფებოდნენ. 

ჩვენთვის მოწოდებული ინფორმაციის მიხედვით, შემთხვევის ადგილზე სავარაუდოდ იმყოფებოდა მეოთხე ადამიანი, რომელმაც დაჭრილები თელავის რეფერალურ საავადმყოფოში საკუთარი ავტომობილით გადაიყვანა, თუმცა კლინიკაში შეყვანისას სამივე მათგანი უკვე გარდაცვლილი იყო. 

ერთ-ერთი ინფორმაციით, ტყეში იმყოფებოდა ოლიმპიური ჩემპიონიც, რომელმაც ერთ-ერთი დაჭრილი საავადმყოფოში თავად გადაიყვანა. 

წინანდლის ტყეში საგამოძიებო მოქმედებები ამ წუთებშიც მიმდინარეობს. პოლიციასა და ექსპერტ კრიმინალისტებს ტერიტორია ყვითელი ლენტით აქვთ შემოსაზღვრული და ინციდენტის ადგილზე არავის უშვებენ. 

შინაგან საქმეთა სამინისტროში დეტალებზე არ საუბრობენ. უწყებაში “პირველებს” უთხრეს, რომ მიმდინარეობს საგამოძიებო მოქმედებები. 

თელავის რეფერალურ საავადმყოფოში “პირველებს” სამი გვამის შეყვანის ფაქტი ოფიციალურად დაუდასტურეს, თუმცა მათი თქმით იდენთიფიცირება ამ წუთებშიც მიმდინარეობს.

- Advertisement -spot_img

უახლესი სტატიები

ჯერ ჩვენ უნდა დავბრუნდეთ აფხაზეთში სულიერად, მენტალურად მათთან, ვისთანაც არაფერი გვქონია და არც გვექნება გასაყოფი

"ამ დღეს სოხუმი დაეცა.არა მხოლოდ ქალაქი სოხუმი, მთელი საქართველო დაეცა ამ დღეს.მახსოვს უნივერსიტეტის პირველი კორპუსის ბაღში როგორ...
- Advertisement -spot_img

მსგავსი სტატიები

- Advertisement -spot_img