28.09.2022
- Advertisement -spot_img

სურსათის ეროვნულმა სააგენტომ ივლის-აგვისტოში 10 000 კილოგრამამდე მავნე ხორცი ამოიღო და გაანადგურა

სურსათის ეროვნულმა სააგენტომ ივლისი-აგვისტოს პერიოდში 10 000 კილოგრამამდე მავნე ხორცი ამოიღო და გაანადგურა. ამის შესახებ სურსათის ეროვნული სააგენტოს უფროსის მოადგილემ ვასილ ბასილაძე „მედიაცენტრ მთავარში” პრესკონფერენციისას განაცხადა.

მისივე თმით, სეს-მა ივლისი-აგვისტოს პერიოდში 800-ზე მეტი ბიზნესოპერატორი შეამოწმა და მათგან 375 ბიზნესოპერატორი სხვადასხვა დარღვევების გამო დაჯარიმდა.

„სეს-მა ივლისი-აგვისტოს პერიოდში ქვეყნის მასშტაბით, 800-ზე მეტი შემოწმება განახორციელა, მათ შორის სასაკლაოებში, ასევე სარეალიზაციო ობიექტებში. აქედან 375 ბიზნესოპერატორი დაჯარიმდა. სხვადასხვა სახის დარღვევები იყო, მათ შორის, სანიტარულ-ჰიგიენური ნორმების დარღვევა, ვადაგასული ხორცის რეალიზაცია, სასაკლაოს გვერდის ავლით დაკლული ცხოველის ხორცის რეალიზაცია და ა.შ.

ივლისი-აგვისტოს პერიოდში ჯამურად 10 000 კილოგრამამდე ხორცი ამოვიღეთ. ამ შემთხვევაში ხორცი მიჩნეულია მავნედ და ადამიანის გამოყენებისთვის შეუსაბამოდ და კანონმდებლობის შესაბამისად, ხორცი ნადგურდება. მიუხედავად იმისა, რომ ციფრები შეიძლება მაღალი იყოს, უნდა ვთქვათ, რომ წინა წლებთან შედარებით პროგრესი ნამდვილად არსებობს“, – განაცხადა ვასილ ბასილაძემ.

მისივე თქმით, მთელი წლის განმავლობაში, სურსათის ეროვნულმა სააგენტომ ქვეყნის მასშტაბით, 2 030 ბიზნესოპერატორი შეამოწმა.

- Advertisement -spot_img

უახლესი სტატიები

„საქსტატის“ წინასწარი შეფასებით, შვიდ თვეში საქართველოს ეკონომიკა 10.3%-ით გაიზარდა

წინასწარი შეფასებით, 2022 წლის ივლისში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 9.7 პროცენტი შეადგინა,...
- Advertisement -spot_img

მსგავსი სტატიები

- Advertisement -spot_img