ტელეკომპანია იმედი, მაესტრო და GDS მაუწყებლობას ვერ ახერხებენ.
ინფომაციას არხის წარმომადგენელი ირაკლი ჩიხლაძე Facebook-ზე ავრცელებს. როგორც ჩიხლაძე წერს, სერვერები დაუდგენელი მიზეზით გამოვიდა მწყობრიდან, ტექნიკური სამსახური კი მაუწყებლობის და სამუშაო პროცესის აღდგენას ცდილობს. “სამწუხაროდ, ტელეკომპანია ,,იმედი” და ,,იმედის” ჰოლდინგში შემავალი ,,მაესტრო” და GDS ჯერ ჯერობით ვერ ახერხებენ მაუწყებლობის განახლებას. სერვერები დაუდგენელი მიზეზით გამოვიდა მწყობრიდან.
ტექნიკური სამსახური ცდილობს მაუწყებლობის და სამუშაო პროცესის აღდგენას. ქრონიკის მთავრი გამოშვება ეთერში დაბრუნდება პირველივე შესაძლებლობისთანავე! #აქიმედია“, – წერს ირაკლი ჩიხლაძე Facebook-ზე.
