12.06.2021
- Advertisement -

თეა წულუკიანმა მოადგილეები წარადგინა

კულტურის, სპორტისა და ახალგაზრდობის მინისტრმა, თეა წულუკიანმა თავისი მოადგილეები წარადგინა. როგორც სამინისტროში გამართულ ბრიფინგზე წულუკიანმა განაცხადა, მისი პირველი მოადგილე კახა სიხარულიძე, მოადგილეები კი სოსო გიორგაძე და იოსებ ბაღათურია იქნებიან.

„ჩემი პირველი მოადგილე კახა სიხარულიძე იქნება, რომელიც ჩვენ ოთხს შორის ყველაზე პატივსაცემი ასაკის ადამიანია. მას აქვს პოლიტიკურ თანამდებობებზე ჩვენზე დიდი გამოცდილება. კახა სიხარულიძე კარიერული დიპლომატია, ის დიპლომატიურ სფეროში საქართველოს 1993 წლიდან ემსახურება და საგარეო საქმეთა სამინისტროში სხვადასხვა დროს მინისტრის პირველი მოადგილის, მინისტრის მოადგილის, სხვადასხვა დეპარტამენტის ხელმძღვანელის თანამდებობებს. გარკვეული დროის განმავლობაში ის საგარეო საქმეთა სამინისტროს პრესპიკერი იყო. კახა სიხარულიძე იყო საქართველოს ელჩი ჩეხეთში, ჩინეთში, იტალიაში, სან-მარინოსა და მალტაზე. ის გახლავთ ფილოლოგიურ მეცნიერებათა დოქტორი, იტალიის დიპლომატთა ასოციაციის საპატიო წევრი და ავტორი წიგნისა „ვაჟა-ფშაველას პუბლიცისტიკა“. კახა სიხარულიძე ჩვენს სამინისტროში საერთაშორისო საკითხებზე იმუშავებს.

სოსო გიორგაძე კი,როგორც პროფესიონალი იურისტი წლების განმავლობაში იყო ჩემი გუნდის წევრი, მათ შორის 2012 წლის ზაფხულში. სხვადასხვა დროს ის იყო იუსტიციის სახლის გენერალური დირექტორი, სერვისების განვითარების სააგენტოს თავმჯდომარე, ბოლოს კი იუსტიციის მინისტრის მოადგილე იყო. ამ თანამდებობაზე ის 1-ელ აპრილამდე დარჩება, შემდეგ კი ჩვენთან ერთად შეუდგება მინისტრის მოადგილის მოვალეობის შესრულებას, სადაც ის ახალგაზრდობისა და სპორტის მიმართულების კურატორი იქნება“, – განაცხადა წულუკიანმა.

კულტურის სპორტისა და ახალგაზრდობის მინისტრის კიდევ ერთი მოადგილე იოსებ ბაღათურია იქნება.

„იოსებ ბაღათურია მაღალკვალიფიციური, გამოცდილი და, რაც ძალიან მნიშვნელოვანია, პრაქტიკოსი იურისტია. ის არის იუსტიციის სახელმწიფო მრჩეველი, სოციალურ მეცნიერებათა დოქტორი, მუშაობდა ხელმძღვანელ თანამდებობებზე იუსტიციის სამინისტროს სისტემაში და წლების განმავლობაში ხელმძღვანელობდა აღსრულების ეროვნულ ბიუროს. იოსებ ბაღათურიას აქვს გენპროკურატურაში, სასამართლო სისტემაში პრაქტიკული გამოცდილება და იქნება ჩვენი სამინისტროს საპარლამენტო მდივანი და სათავეში ჩაუდგება საქართველოს კულტურის კოდექსის შექმნის პროცესს“, – განაცხადა წულუკიანმა.

- Advertisement -

უახლესი სტატიები

ფინეთისა და დანიის მატჩი განახლდა

ფინეთისა და დანიის მატჩი, რომელიც კრისტიან ერიკსენის ჯანმრთელობის გაუარესების გამო 42-ე წუთზე შეწყდა განახლდა და ამ წუთებში მიმდინარეობს. უეფა-მ...
- Advertisement -

მსგავსი სტატიები

- Advertisement -