28.09.2021
- Advertisement -spot_img

თენგიზ ცერცვაძე-მოსახლეობა დაუყოვნებლივ უნდა ჩაერთოს ფართომასშტაბიანი ვაქცინაციის პროცესში

“მიღწეულის შესანარჩუნებლად აუცილებელია მოსახლეობამ უარი თქვას ვაქცინაციისადმი სკეპტიციზმზე და დაუყოვნებლივ ჩაერთოს ფართომასშტაბიანი ვაქცინაციის პროცესში,” – ამის შესახებ ინფექციური საავადმყოფოს გენერალური დირექტორი თენგიზ ცერცვაძე სოციალურ ქსელ “ფეისბუქზე“ წერს.

როგორც ცერცვაძე აღნიშნავს, ახალი შემთხვევების ზრდის ტენდენცია ბოლო დღეებში, სამწუხაროდ, საქართველოშიც დაფიქსირდა, თუმცა ეპიდსიტუაცია რჩება სტაბილური.

“NDI-ის ბოლო გამოკითხვით მოსახლეობის 68% თვლის, რომ ქვეყანა COVID-19-ის პანდემიას კარგად უმკლავდება

NDI-ის ბოლო გამოკითხვით, რომელსაც ხელისუფლებისადმი მიკერძოებას ნამდვილად ვერ დააბრალებ, მოსახლეობის 68% თვლის, რომ ქვეყანა COVID-19-ის პანდემიას კარგად უმკლავდება და მხოლოდ 27% თვლის პირიქით და ეს მიუხედავად პანდემიით გამოწვეული სერიოზული ეკონომიკური და სოციალური სიძნელეებისა, რომელიც სერიოზულ უხერხულობას უქმნის მოსახლეობას.

საქართველომ ვაქცინის არქონის და მინიმალური შეზღუდვების პირობებშიც კი მოახერხა COVID-19-ის ეპიდსიტუაციის სტაბილიზება და სადღეისოდ აქვს COVID-19-ის ახალი შემთხვევების და გარდაცვალების შემთხვევების ევროპისა და ამერიკის ქვეყნებს შორის ერთ-ერთი ყველაზე დაბალი მაჩვენებელი. მაგრამ ეს არავითარ შემთხვევაში არ იძლევა დამშვიდების საშუალებას, რამეთუ მთელ მსოფლიოში აღინიშნება COVID-19-ის ახალი შემთხვევების და გარდაცვალების შემთხვევების მკვეთრი მატება. სულ უფრო აქტიურად ისმის ლაპარაკი პანდემიის მე-3 ტალღაზე და რიგმა ევროპულმა ქვეყნებმა უკვე მიიღეს ან აპირებენ მიიღონ გადაწყვეტილება შეზღუდვების გამკაცრების და მორიგი ლოქდაუნების გამოცხადების თაობაზე, რაც ძალიან მტკივნეული იქნება მოსახლეობისათვის. ახალი შემთხვევების ზრდის ტენდენცია (ჯერ მხოლოდ ტენდენცია) ბოლო დღეებში, სამწუხაროდ, საქართველოშიც დაფიქსირდა, თუმცა ეპიდსიტუაცია რჩება სტაბილური.

მიღწეულის შესანარჩუნებლად და კიდევ უფრო გასაუმჯობესებლად აუცილებელია მოსახლეობამ უარი სთქვას ვაქცინაციისადმი სკეპტიციზმზე და დაუყოვნებლივ ჩაერთოს ფართომასშტაბიანი ვაქცინაციის პროცესში. ასევე სასიცოცხლოდ მნიშვნელოვანია უკლებლივ ყველამ ვატაროთ პირბადე, დავიცვათ სოციალური დისტანცირება და უარი ვთქვათ ხალხმრავალ შეკრებებზე. ამით ჩვენ შევძლებთ, რაც შეიძლება მალე დავუბრუნდეთ ნორმალურ ცხოვრებას, ეკონომიკის აღმავლობას და თავიდან ავიცილოთ ის მტკივნეული პროცესები, რომელიც ყველამ ერთად გადავიტანეთ ბოლო 1 წლის მანძილზე.

გვჯერა, რომ საქართველოს მოსახლეობა გააკეთებს სწორ არჩევანს”, – წერს ცერცვაძე.

- Advertisement -spot_img

უახლესი სტატიები

ჯერ ჩვენ უნდა დავბრუნდეთ აფხაზეთში სულიერად, მენტალურად მათთან, ვისთანაც არაფერი გვქონია და არც გვექნება გასაყოფი

"ამ დღეს სოხუმი დაეცა.არა მხოლოდ ქალაქი სოხუმი, მთელი საქართველო დაეცა ამ დღეს.მახსოვს უნივერსიტეტის პირველი კორპუსის ბაღში როგორ...
- Advertisement -spot_img

მსგავსი სტატიები

- Advertisement -spot_img