თბილისში ციციშვილის სახელობის კლინიკაში კორონავირუსით ჩვილი გარდაიცვალა. ამის შესახებ ინფორმაცია “ვებგაზეთს” ციციშვილის სახელობის ბავშვთა ახალი კლინიკის სამედიცინო დირექტორმა, მაია ჩხაიძემ დაუდასტურა.
ჩხაიძის თქმით, ბავშვი ერთი თვის განმავლობაში მართვით სუნთქვაზე იმყოფებოდა. ჩვილი გალიდან იყო და თბილისში ახლობელთან ცხოვრობდნენ.
მაია ჩხაიძის ინფორმაციით, ამ დროისთვის ციციშვილის სახელობის კლინიკაში 50-მდე პაციენტია მოთავსებული და მათგან 10 რეანიმაციაშია, ერთი კი კვლავ მართვით სუნთქვაზე იმყოფება.
კიდევ ერთი ბავშვი, რომელსაც თანმხლები დაავადებები აქვს, მძიმე მდგომარეობაშია.
