უკრაინის სოფლის მეურნეობის მინისტრი მიკოლა სოლსკის განცხადებით, ქვეყნის მარცვლეულის ექსპორტის შესაძლებლობა დღითიდღე უარესდება და გაუმჯობესდება მხოლოდ იმ შემთხვევაში, თუ რუსეთთან ომი დასრულდება. ინფორმაციას BBC ავრცელებს.
სატელევიზიო ბრიფინგზე საუბრისას სოლსკიმ აღნიშნა, რომ უკრაინა, მსოფლიოში მარცვლეულის ერთ-ერთი უდიდესი ექსპორტიორი, თვეში 4-5 მილიონი ტონა მარცვლეულის ექსპორტს ახორციელებს.
მისი თქმით,მოცულობა ახლა რამდენიმე ასეულ ათას ტონამდე შემცირდა.
“ზემოქმედება გლობალურ ბაზრებზე არის პირდაპირი, დრამატული და დიდი და ის გრძელდება. დღითიდღე ვითარება უფრო და უფრო გართულდება“, – განაცხადა მიკოლა სოლსკიმ.
