რუსეთის სრულმასშტაბიანი შეჭრის დაწყებიდან უკრაინის სამართალდამცავმა უწყებებმა რუსეთის ფედერაციის მიერ ჩადენილი 36 383 დანაშაული დაარეგისტრირეს, – ინფორმაციას უკრაინული მედია გენერალურ პროკურატურაზე დაყრდნობით ავრცელებს.
მათივე ცნობით, რეგისტრირებულია ომისა და აგრესიის 24 632 დანაშაული, აქედან 23 721 ომის კანონებისა და წეს-ჩვეულებების დარღვევას, 73 აგრესიული ომის დაგეგმვას, მომზადებას ან წამოწყებასა და წარმოებას, 21 ომის პროპაგანდას , 817 კი სხვა დანაშაულებს უკავშირდება.
ასევე რეგისტრირებულია ეროვნული უსაფრთხოების წინააღმდეგ ჩადენილი 11 751 დანაშაული.
ამასთან, უწყების ცნობით, 22 ივლისის მდგომარეობით, უკრაინაში, რუსეთის სრულმასშტაბიანი შეიარაღებული აგრესიის შედეგად დაიღუპა 358 და დაშავდა 683-ზე მეტი ბავშვი.
