კიევის რეგიონში 1 222 ცხედარი აღმოაჩინეს მას შემდეგ, რაც რუსულმა ძალებმა ტერიტორია დატოვეს, – ამის შესახებ უკრაინის გენერალურმა პროკურორმა ირინა ვენედიქტოვამ Sky News-სთან განაცხადა.
ვენედიქტოვამ ასევე, განაცხადა, რომ მისმა გუნდმა 5 600-ზე მეტი ომის შესაძლო დანაშაულის შემთხვევა აღწერა. მისივე თქმით, იდენტიფიცირებულია 500 ეჭვმიტანილი, მათ შორის არიან რუსეთის უმაღლესი სამხედრო და სამთავრობო მაღალჩინოსნები.
მთავარი პროკურორი აღნიშნავს, რომ 21-ე საუკუნის ომის მთავარი კრიმინალი ვლადიმერ პუტინია. მისივე თქმით, სანამ პუტინი პრეზიდენტია, საერთაშორისო სამართლის თანახმად, დიპლომატიური იმუნიტეტით სარგებლობს და სისხლის სამართლებრივი დევნა ვერ დაიწყება ჰააგის სასამართლოს გადაწყვეტილების გარეშე.
