04.12.2021
- Advertisement -spot_img

ვლადიმერ ხინჩეგაშვილმა სპორტული კარიერა დაასრულა და პოლიტიკაში მიდის

საქართველოს თავისუფალი სტილით მოჭიდავეთა ნაკრების წევრმა, ვლადიმერ ხინჩეგაშვილმა, სპორტული კარიერა დაასრულა. 30 წლის სპორტსმენმა მიღებული გადაწყვეტილების შესახებ განცხადება სოციალურ ქსელ “ფეისბუქზე” გაავრცელა.

“მადლობა უფალს ყველაფრისთვის, რაც მომცა! დიდი მადლობა მინდა გადავუხადო ჩემს მშობლებს, პირად და ნაკრების მწვრთნელებს, ექიმებს, ჭიდაობის ფედერაციას, იმ სპორტსმენებს, ვისთან ერთადაც ერთი დღე მაინც მივარჯიშია და ყველას, ვისაც ჩემს წარმატებაში მცირედი წვლილი მაინც მიუძღვის. რა თქმა უნდა, დიდ მადლობას ვუხდი ყველა ჩემს გულშემატკივარს, რომლებიც მთელი კარიერის განმავლობაში უდიდეს მოტივაციას მაძლევდნენ. ჩემი უმთავრესი მიზანი ყოველთვის იყო ჩემი ქვეყნის და ხალხისთვის სიხარულის მოტანა. მოხარული ვარ, რომ მიზანს გარკვეულწილად მივაღწიე და არაერთხელ მომეცა შანსი ამაყად მომესმინა უდიდეს სპორტულ ღონისძიებებზე გაჟღერებული საქართველოს ჰიმნი. ჭიდაობამ შექმნა ის, ვინც ვარ დღეს და მე ამის ყოველთვის მადლიერი ვიქნები. რა თქმა უნდა, ძალიან რთული იყო ამ გადაწყვეტილების მიღება. იმედი მქონდა, რომ ტოკიოდან კიდევ ერთხელ გაგახარებდით, მაგრამ, სამწუხაროდ, არ მომეცა ამის საშუალება. ცხოვრებაში არის მომენტები, როცა ცვლილებების დროა და ჩემს ცხოვრებაშიც დადგა ეს მომენტი. დაბოლოს, ბევრი ახსნის გარეშე, უდიდესი მადლობა დედაჩემს, რომლის უპირობო გვერდში დგომის გარეშე ვერაფერს შევძლებდი“, – დაწერა ხინჩეგაშვილმა.

ვლადიმერ ხინჩეგაშვილმა ევროპისა და მსოფლიოს ჩემპიონატებსა და ოლიმპიურ თამაშებზე ოცზე მეტი მედალი მოიპოვა. არის ოლიმპიური, მსოფლიოსა და ევროპის სამგზის ჩემპიონი. ტოკიო-2020-ის ლიცენზია კი იმის გამო ვერ მოიპოვა, რომ სალიცენზიო ტურნირის დროს კორონავირუსი ჰქონდა და კლინიკაში იწვა.

ვლადიმერ ხინჩეგაშვილი რამდენიმე დღის წინ „ქართულმა ოცნებამ” ადგილობრივი არჩევნებისთვის გორში მერობის კანდიდატად წარადგინა.

- Advertisement -spot_img

უახლესი სტატიები

კლუბი „ხიდი“ 10 000 ლარით დაჯარიმდა და დაილუქა

შრომის ინსპექციამ კლუბი „ხიდი“ 10 000 ლარით დააჯარიმა და დალუქა. ამის შესახებ ინფორმაციას შრომის ინსპექცია ავრცელებს. „მიმდინარე წლის 3-4 დეკემბერს...
- Advertisement -spot_img

მსგავსი სტატიები

- Advertisement -spot_img