უკრაინის პრეზიდენტმა, ვოლოდიმირ ზელენსკიმ საბერძნეთის პარლამენტში სიტყვით გამოსვლისას განაცხადა, რომ მარიუპოლის შემდეგ დამპყრობლებს ოდესის განადგურება სურთ.
თავის მიმართვაში უკრაინის პრეზიდენტმა ხაზგასმით აღნიშნა, რომ რუსულმა ჯარებმა მოიტანეს სიკვდილი და ნგრევა იმ ადგილებში, სადაც უკრაინელები და ბერძნები საუკუნეების განმავლობაში მშვიდობასა და კეთილდღეობაში ცხოვრობდნენ.
“რუსეთი აბსოლუტურად დარწმუნებულია თავის დაუსჯელობაში იმ ყველაფრისთვის, რასაც ის აკეთებს და ჩვენ უნდა შევაჩეროთ ეს. ჩვენ რუსეთს პასუხისმგებლობა უნდა დავაკისროთ. ჩვენ უნდა გადავარჩინოთ ოდესა მარიუპოლის მსგავსად განადგურებისგან”.- ამბობს ზელენსკი.
