თუ რა კომპრომისზე შეიძლება წავიდეს უკრაინა რუსეთთან მოლაპარაკებების ფარგლებში, ამას საბოლოოდ უკრაინელი ხალხი რეფერენდუმზე გადაწყვეტს. ეს ეხება უსაფრთხოების გარანტიასა და ოკუპირებული დონბასისა და ყირიმის საკითხებს, – ამის შესახებ უკრაინის პრეზიდენტმა, ვოლოდიმირ ზელენსკიმ Суспільне-სთან ინტერვიუში ისაუბრა.
“პასუხი ძალიან მარტივია, ყველა უკვე ვხვდებით. ჩვენ არ გვიღებენ NATO-ში, იმიტომ, რომ ეშინიათ რუსეთის. სულ ესაა. და ჩვენ უნდა დავმშვიდდეთ, ვთქვათ, რომ “ოქეი, უსაფრთხოების სხვა გარანტიები”. არის NATO-ს ქვეყნები, რომელსაც უნდათ, იყვნენ უსაფრთხოების გარანტიები, რომლებსაც სამწუხაროდ, არ შეუძლიათ ალიანსში 100%-იანი წევრობის უზრუნველყოფა, თუმცა, მზად არიან, გააკეთონ ყველაფერი, რასაც უნდა აკეთებდეს NATO, თუკი ჩვენ ამ ალიანსის წევრები ვიქნებოდით. და მე ვთვლი, რომ ეს ნორმალური კომპრომისია”. – თქვა ვოლოდიმირ ზელენსკიმ.
