20.10.2021
- Advertisement -spot_img

ზურა შევარდნაძე – 4 ჯავშანი გაუქმდა – გვწერენ კადრები, რომელიც ვნახეთ გვაშინებს და ამ ეტაპზე გადავწყვიტეთ არ ჩამოვიდეთო

“გარდენია შევარდნაძეს” მფლობელი ზურა შევარდნაძე სოციალურ ქსელ “ფეისბუქზე” წერს, რომ წლებია ტურისტებზე ბინას აქირავებს, რომელსაც სტუმრები მკაცრი ლოკდაუნის პერიოდშიც კი არ აკლდა, თუმცა 5-6 ივლისს თბილისში განვითარებული მოვლენების შემდეგ, ზედიზედ ოთხი ჯავშნის გაუქმების შესახებ წერილები მიიღო. 

გაწბილებული ვარ.

არც ბოლოთქმას გავუკეთებ, არც თავში ვიტყვი რამეს, უბრალოდ პატარა ამბავს დავწერ. ლეხანოვზე, ძველ თბილისურ ეზოში, ერთი თხუთმეტკვადრატულმეტრიანი ოთახი მაქვს, ლამაზად მოწყობილი, ტურისტებზე ვაქირავებ. გაგანია პანდემიისას ადამიანი, რომ არ ჭაჭანებდა მაშინაც კი გაქირავებული იყო. ბევრი მადლიერი და მადლობელი სტუმარი მყოლია ამ წლების მანძილზე.

წლევანდელი ივლისი, აგვისტო, სექტემბერი, ახალ წლამდე დაჯავშნილია სულ. გუშინ და გუშინწინ ოთხი ჯავშანი გაუქმდა.

ახალგაზრდა ოჯახმა ავსტრიიდან, ზალცბურგიდან რომლებმაც 11 მაისს დაგვიკვეთეს ოთახი მოკლე წერილი გამოგვიგზავნეს, სამი ბოდიშით.

დიასახლისს, რომელთანაც ჰქონდათ ურთიერთობა, წერენ:

“ქეთევან, საქართელოში სამოგზაუროდ ჩამოსვლას, დიდი ხანია ვგეგმავდით, ძალიან გვიხაროდა და ვემზადებოდით. კადრები, რომელიც ვნახეთ გვაშინებს და ამ ეტაპზე გადავწყვიტეთ თავი შევიკავოთ. ბოდიში, ბოდიში, ბოდიში.”

დანარჩენმა სამმა სტუმარმა ბოდიშიც არ მოიხადა, უბრალოდ გააუქმა ჯავშანი.

წერტილი...” – წერს ზურა შევარდნაძე. 

- Advertisement -spot_img

უახლესი სტატიები

გოგელიას კლინიკაში მისული მოქალაქეები ამბობენ, რომ მათ სეზონური გრიპის საწინააღმდეგო ვაქცინის მაგივრად C ვიტამინი გაუკეთეს

მოქალაქეები ამბობენ, რომ გოგელიას კლინიკაში გრიპის ვაქცინის ნაცვლად C ვიტამინი გაუკეთეს. კლინიკაში მყოფი პაციენტების თქმით, ერთ-ერთს გაუჩნდა ეჭვი, რომ ოთხკომპონენტიანი გრიპის...
- Advertisement -spot_img

მსგავსი სტატიები

- Advertisement -spot_img