უკრაინაში 42 წლის ქართველი ე.წ კანონიერი ქურდი, “ლევან გალსკი” იგივე ლევან ბულისკირია დააკავეს.
უკრაინის ეროვნული პოლიციის ინფორმაციით, ასევე დაკავებულია 31 წლის ქართველი „კრიმინალური ავტორიტეტი“. ორივე მათგანი უკრაინის უსაფრთხოების საბჭოს სანქციების სიაში იყო შეყვანილი და ქვეყანაში შესვლას დოკუმენტების გარეშე ცდილობდნენ.
ლევან ბულისკირია “ლევან გალსკი” რუსეთის მოქალაქეა, მასთან ერთად დაკავებული 31 წლის “კრიმინალური ავტორიტეტი” კი საქართველოს მოქალაქეა.
ლევან ბულისკირიას კრიმინალურ წრეებში „ლევან გალსკის“ სახელით იცნობენ. მან „კანონიერი ქურდის“ სტატუსი 2012 წელს პირადად ასლან უსოიანისგან (დედ ჰასანი) მიიღო. ის სხვადასხვა დანაშაულისთვის არაერთხელ არის ნასამართლევი. ბოლოს საპატიმროს თავი ყალბი ფსიქიატრიული დასკვნის საფუძველზე დააღწია.
