ჯანდაცვის ექსპერტის აკაკი ზოიძის თქმით, „ქვეყანაში ეპიდემიოლოგიური სიტუაცია ყოველდღიურად მწვავდება, რაც კლინიკურ სექტორზე უარყოფითად აისახება.
ზოიძის განცხადებით, მდგომარეობა საშიშ ფაზაში შევიდა და მოსალოდნელია ისედაც მაღალი სიკვდილიანობის მაჩვენებლის მატება.
„საავადმყოფოები თუ გადაიტვირთება, სამწუხაროდ, მოსალოდნელია ისედაც მაღალი სიკვდილობის მაჩვენებლის მატება. უბრალოდ, არ გვეყოფა კვალიფიციური პერსონალი, ექთნები, სანიტრები და, პირველ რიგში, რა თქმა უნდა, ექიმები. არავითარ მომავალზე არაა ლაპარაკი, მდგომარეობა უკვე საშიშია. ძალიან მნიშვნელოვანია, რომ როგორმე შევძლოთ ყველაზე ცუდი სცენარის თავიდან აცილება“, – აცხადებს აკაკი ზოიძე
