ჯანდაცვის მინისტრის მოადგილის, თამარ გაბუნიას განცხადებით, ბუსტერ დოზით 18 წლის ზემოთ ნებისმიერი პირს შეუძლია აიცრას, რომელიც უკვე აცრილია რომელიმე ვაქცინით.
პირს, რომელიც აცრილია ჩინური “სინოფარმის” და “სინოვაკის” ვაქცინით, შეუძლია გამოიყენოს იგივე “სინოფარმის” და “სინოვაკის” ვაქცინა ბუსტერ დოზისთვის, ან გაიკეთოს “ფაიზერი“.
“ასტრაზენეკას” შემთხვევაში კი, 6 თვის შემდეგ პირს დამატებით შეუძლია გაიკეთოს “ფაიზერის” ბუსტერ დოზა.
რაც შეეხება “ფაიზერით” ვაქცინირებულ პირებს, მათთვის რეკომენდებულია მეორე აცრიდან 6 თვეში “ფაიზერის” ბუსტერ, მესამე დოზა
“არის ერთი დაზუსტება, რომელიც ითვალისწინებს 60 წლის ზემოთ პირებში, რომლებიც აცრილები არიან “სინოვაკით” და “სინოფარმით” ბუსტერ დოზის გამოყენების შესაძლებლობას არა 6 თვის შემდეგ, არამედ უკვე 3 თვიდან 6 თვის ინტერვალში მეორე აცრიდან“. – განაცხადა თამარ გაბუნიამ საკოორდინაციო საბჭოს სხდომის შემდეგ გამართულ ბრიფინგზე.
