ევროპარლამენტარი ვიოლა ფონ კრამონი საქართველოს პენიტენციური სამსახურის მიერ მიხეილ სააკაშვილის გლდანის ციხეში შეყვანის ამსახველი კადრების გავრცელებას ეხმაურება.
„ამ კადრების გავრცელება საქართველოს მთავრობის მიერ სავალალოა. საქმე სულ უფრო პოლიტიკური ხდება და “ქართული ოცნება” უფრო და უფრო ემსგავსება წინა ხელისუფლებას. საქართველო უკეთესს იმსახურებს.
სააკაშვილმა დაუყოვნებლივ უნდა შეწყვიტოს შიმშილობა, მიიღოს სათანადო სამედიცინო დახმარება და მიეცეს საშუალება, რომ დაესწროს საკუთარ არაპოლიტიზირებულ სასამართლო პროცესს. საქართველო უნდა გავიდეს ამ არეულობის მიღმა და დაიწყოს რეალური პრობლემების მოგვარება, როგორიცაა რუსული ოკუპაცია, სიღარიბე და უკან გადადგმული ნაბიჯები დემოკრატიაში“, – აცხადებს ვიოლა ფონ კრამონი.
