იუსტიციის მინისტრი რატი ბრეგაძე ექსპრეზიდენტ მიხეილ სააკაშვილს გორის სამხედრო ჰოსპიტალში გადაყვანას სთავაზობს. ამის შესახებ განცხადება რატი ბრეგაძემ რამდენიმე წუთის წინ, იუსტიციის სამინისტროში გამართულ ბრიფინგზე გააკეთა.
როგორც ბრეგაძემ აღნიშნა, მიხეილ სააკაშვილს მკურნალობის კურსის დასრულების შემდეგ დააბრუნებენ რუსთავის მე-12 პენიტენციურ დაწესებულებაში.
“ვთავაზობთ რომ იგი გადაყვანილი იყოს გიორგი აბრამიშვილის სახელობის თავდაცვის სამინისტროს სამხედრო ჰოსპიტალში. ეს არის მისი ადგილი, სადაც მისი უსაფრთხობა და ჯანმრთელობა მაქსიმალურად იქნება დაცული”, – ამბობს ბრეგაძე.
