ავსტრალიაში ახალი წლის დადგომას თვალისმომჭრელი სანახაობით შეეგებნენ. ქვეყანაში 2022 წელი თბილისის დროით 17:00 საათზე დადგა. სიდნეიში 2022 წელს ტრადიციული გრანდიოზული ფოიერვერკებით შეხვდნენ, რომელიც 12 წუთის განმავლობაში გაგრძელდა. მართალია, სიდნეი კორონავირუსის ახალი შტამის “ომიკრონით” გამოწვეულ ახალ ტალღას ებრძვის, თუმცა ავსტრალიის პრემიერ-მინისტრმა მოსახლეობას საახალწლოდ გარეთ გასვლისა და ახალი წლის აღნიშვნისკენ მოუწოდა.
სიდნეის ფოიერვერკების გრანდიოზული საახალწლო შოუსთვის 80 ათასზე მეტი ერთეული პიროტექნიკა გამოიყენება. 2022 წლის აღსანიშნად, სიდნეის ოპერის სახლში საახალწლო კონცერტიც იმართება, რომელიც „ეი-ბი-სის“ სატელევიზიო ეთერით გადაიცემა.
