ეროვნულ-დემოკრატიული ინსტიტუტის (NDI) კვლების მიხედვით, მოსახლეობის უმრავლესობა მთავრობის საქმიანობით უკმაყოფილოა.
NDI-ის კვლევით, მოსალეობის 52% მოქმედი მთავრობის საქმიანობას ცუდად აფასებს, 39% – კარგად, ხოლო 7%-მა კი არ იცის.
კვლევის მიხედვით, მოსახლეობის უმრავლესობა ქვეყნის ლიდერებითა და ინსტიტუტებით უკმაყოფილოა.
- პრემიერმინისტრ, ირაკლი ღარიბაშვილის საქმიანობას 35% ცუდად აფასებს;
- საქართველოს პრეზიდენტის, სალომე ზურაბიშვილის საქმიანობას 46% აფასებს ცუდად;
- საქართველოს პარლამენტის საქმიანობას ცუდად აფასებს მოსახლეობის 46%;
- ცენტრალური საარჩევნო კომისიის (ცესკო) საქმიანობას 35% აფასებს ცუდად;
ეროვნულ-დემოკრატიული ინსტიტუტის კვლევით, მოსახლეობას კვლავ არ სჯერა, რომ საქართველოს პარლამენტი მათთვის მნიშვნელოვან საკითხებზე მუშაობს.
მოსახლეობის 52% არ ეთანხმება, რომ პარლამენტი ამტკიცებს კანონებს მათთვის მნიშვნელოვან საკითხებზე. 42% კი არ იზიარებს მოსაზრებას, რომ საკანონმდებლო ორგანო ეფექტურ ზედამხედველობას უწევს მთავრობის საქმიანობას.
ეროვნულ-დემოკრატიული ინსტიტუტის (NDI) კვლევა 2021 წლის 7-13 დეკემბერს ჩატარდა, სატელეფონო გამოკითხვის მეთოდით. რესპონდენტები შემთხვევით დარეკვის პრინციპით შეირჩნენ – ჯამში, ჩაიწერა 2 099 დასრულებული ინტევიუ. საშუალო ცდომილების ზღვარი +/- 1.3%-ია, ცდომილების ზღვარი სხვადასხვა კითხვის მიხედვით იცვლება.
