ადვოკატებმა ვერ იპოვეს რუსეთის ტელეარხ “პერვი კანალის” დაკავებული რედაქტორი მარინა ოვსიანიკოვა, რომელიც გუშინ “ვრემიას” პირდაპირ ეთერში, ომის საწინააღმდეგო პლაკატით შევიდა. ამის შესახებ ინფორმაციას პორტალი OVD-Info ავრცელებს, რომელიც რუსეთში აღიარებულია, როგორც “უცხოური აგენტი”.
მათი ინფორმაციით, დაკავებული არ არის ოსტანკინოს პოლიციის განყოფილებაში. ადვოკატი ანრი ცისკარიშვილი კი აცხადებს, რომ მან მარინა ოვსიანიკოვა ოსტანკინოს სატელევიზიო ანძის სამორიგეო სადგურზე ვერ იპოვა.
შეგახსენებთ, “არა ომს! არ დაუჯეროთ პროპაგანდას, აქ თქვენ გატყუებენ!” – ამ შინაარსის პლაკატით არხის რედაქტორი, მარინა ოვსიანიკოვა რუსეთის პირველი არხზე, მთავარი გამოშვების “ვრემიას” პირდაპირ ეთერში შევიდა.
