უკრაინისთვის $13.6 მილიარდის გამოყოფის შესახებ კანონს აშშ-ის პრეზიდენტმა ჯო ბაიდენმა ხელი უკვე მოაწერა. პრეზიდენტის ხელმოწერამდე დახმარების პაკეტის შესახებ ორპარტიული კანონპროექტი აშშ-ის კონგრესის ორივე პალატამ დაამტკიცა.
პაკეტიდან სამხედრო დახმარების სახით $6.5 მილიარდს აშშ-ს თავდაცვის დეპარტამენტს გადაეცემა, რათა რეგიონში ჯარების განლაგება და უკრაინის თავდაცვითი აღჭურვილობით მომარაგება უზრუნველყოს.
ჰუმანიტარული დახმარება: $4 მილიარდზე მეტი უკრაინიდან გაქცეული ლტოლვილებისა და ქვეყანაში იძულებით გადაადგილებული პირების დასახმარებლად დაიხარჯება. პაკეტი უზრუნველყოფს სასწრაფო ჯანდაცვით და სასურსათო დახმარებას მოწყვლადი ჯგუფებისთვის.
ეკონომიკური დახმარება: პაკეტში გათვალისწინებულია თითქმის $1.8 მილიარდი უკრაინისა და მეზობელი ქვეყნებისთვის კიბერუსაფრთხოებისა და ენერგეტიკული საკითხების გადაწყვეტისთვის.
გადაწყვეტილების თანახმად, $25 მილიონი საინფორმაციო გადაცემებში დეზინფორმაციასთან საბრძოლველად გამოიყო, ხოლო $120 მილიონით უკრაინელი აქტივისტებსა და ჟურნალისტების მხარდაჭერა იქნება უზრუნველყოფილი.
