უკრაინაში აქტიური საომარი მოქმედებები რუს ოკუპანტებთან, შესაძლოა, ორ-სამ კვირაში დასრულდეს, – ამის შესახებ უკრაინის პრეზიდენტის ადმინისტრაციის უფროსის მრჩეველმა ალექსეი არესტოვიჩმა განაცხადა.
მისი თქმით, აქტიური საომარი მოქმედებები შესაძლოა, მალე დასრულდეს, რადგან მტერს არაფერი ექნება საბრძოლველად, ეს კი მტრის ძალების ეფექტურობის შესუსტებას უკავშირდება.
„ისინი ძალიან სწრაფად ამოწურავენ საკუთარ ძალებს. ორ-სამ კვირაში აქტიური საომარი მოქმედებები შეწყდება, რადგან არაფერი ექნება მტერს. სამ კვირაში იქნება „ოპერაციული პაუზა“. და იმ ადგილებში, სადაც მტერი დგას, ჩვენთვის უფრო მოსახერხებელი იქნება მათი განადგურება“, – განაცხადა არესტოვიჩმა.
