“შევხედავთ”, – ასე პასუხობს აშშ-ს პრეზიდენტი, ჯო ბაიდენი რუსეთის განცხადებას, რომ კიევსა და ჩერნიგოვში საომარ მოქმედებებს საგრძნობლად შეამცირებდა.
“ვერაფერი ამოვიკითხე ამაში იქამდე სანამ არ დავინახავ, რა არის მათი ქმედებები. ვნახავთ შეასრულებენ თუ არა იმას, რასაც სთავაზობენ”, – თქვა ბაიდენმა მას შემდეგ, რაც რუსეთის განცხადების შესახებ კითხვა დაუსვეს.
ბაიდენმა ასევე აღნიშნა, რომ საფრანგეთის, გერმანიის, იტალიისა და დიდი ბრიტანეთის ლიდერებთან საუბრის დროს მიაღწიეს კონსენსუსს იმაში, რომ “უბრალოდ შევხედოთ, რისი შემოთავაზება შეუძლიათ, გავიგებთ, რას აკეთებენ”.
დღეს, 29 მარტს სტამბოლში რუსეთისა და უკრაინის დელეგაციებს შორის მოლაპარაკებები დასრულდა.
