უკრაინა-რუსეთს შორის მიმდინარე მოლაპარაკების ახალი ეტაპი დაიწყო. ამის შესახებ უკრაინის პრეზიდენტის ოფისის მთავარმა მრჩეველმა მიხაილო პოდოლიაკმა განაცხადა. ინფორმაციას „უნიანი“ ავრცელებს.
„მოლაპარაკება ონლაინ ფორმატში გაგრძელდა და მას სამუშაო ჯგუფები შეუერთდნენ“, – განაცხადა პოდოლიაკმა.
ცნობისთვის, 29 მარტს სტამბოლში გამართულ მოლაპარაკებებზე კიევმა ოფიციალურად წარადგინა თავისი წინადადებები უკრაინისთვის გარანტიების ახალი სისტემის შესახებ. საუბარია უკრაინის უბლოკო სტატუსზე და უსაფრთხოების გარანტიებზე რუსეთის ფედერაციის და დასავლეთის ქვეყნების მონაწილეობით.
