უკრაინის პრეზიდენტმა ვოლოდიმირ ზელენსკიმ ქალაქ ბუჩაში რუსი ოკუპანტების მიერ მშვიდობიანი მოსახლეობის მკვლელობები შეაფასა და თქვა, რომ ეს არის გენოციდი.
ამის შესახებ მან CBS News-ის გადაცემა “Face the Nation”-ში გამოსვლისას განაცხადა.
“ეს არის მთელი ერისა და ხალხის ლიკვიდაცია. ჩვენ ვართ უკრაინის მოქალაქეები. აქ 100-ზე მეტი ეროვნება ცხოვრობს – ეს ყველა ამ ეროვნების განადგურებას ეხება. ეს ხდება 21-ე საუკუნის ევროპაში და ეს არის მთელი ერის წამება”, – განაცხადა მან.
