„მათ ბავშვები მოკლეს, აღარ შემიძლია ტირილი“, – ასე გამოეხმაურა 8 აპრილს, უკრაინის პრეზიდენტი, ვოლოდიმირ ზელენსკი ქალაქ კრამატორსკში მატარებლის სადგურზე მომხდარ სარაკეტო თავდასხმას. ამბავს Bild ავრცელებს.
მისივე თქმით, ოკუპანტების მიერ ჩადენილი დანაშაულების გამო, უკრაინის მთავარსარდალი რუსეთისა და რუსი ჯარისკაცების მიმართ სიძულვილს გრძნობს.
„ეს ჩვენი სამხედრო ცხოვრებაა. ასეთი მნიშვნელოვანი შეხვედრის წინ, ტრაგიკული დილა გათენდა. ამ მსხვერპლშეწირვას ვერ შევეგუები. როდესაც ამ სცენებს ჩემ თვალწინ ვხედავ, მე რუსეთისა და რუსი ჯარისკაცების მიმართ სიძულვილს ვგრძნობ. მათ ბავშვები მოკლეს, ეს არის აღსაშფოთებელი. საშინელებაა, აღარ შემიძლია ტირილი“, – აღნიშნა ვოლოდიმირ ზელენსკიმ.
