უკრაინის სახალხო დამცველი ლუდმილა დენისოვას ინფორმაციით, უკრაინაში რუსეთის შეჭრიდან და დღემდე საკუთარი ნების საწინააღმდეგოდ ოკუპანტებმა 200 000-ზე მეტი ბავშვი გაიყვანეს. ამის შესახებ ინფორმაციას BBC ავრცელებს.
ლუდმილა დენისოვას თქმით, მოსკოვს სურს უკრაინელი ბავშვები რუსეთის მოქალაქეებად გახადოს.
„როცა ჩვენს შვილები გაჰყავთ ანადგურებენ ეროვნულ იდენტობას, ართმევენ ჩვენს ქვეყანას მომავალს. ჩვენს შვილებს იქ რუსულად ასწავლიან ისტორიას, რომელიც პუტინმა ყველას უამბო“, – აცხადებს ლუდმილა დენისოვა.
თავის მხრივ ოფიციალური მოსკოვი საკუთარი ნების საწინააღმდეგოდ უკრაინელი ბავშვების გაყვანას უარყოფს და აცხადებს, რომ ჰუმანიტარულ დახმარებას სთავაზობს მათ, რომლებსაც ქვეყნის დატოვება სურს.
