არ შეიძლება ამ ბრძოლის შენელება და ჭირისუფლებად არ უნდა ვიქცეთ, ახლა ბრძოლის დროა, – ამის შესახებ “ნაციონალური მოძრაობის” თავმჯდომარე ნიკა მელიამ სასამართლოს მიერ “მთავარი არხის” დამფუძნებლის, ნიკა გვარამიასთვის 3,6 წლით პატიმრობის მისჯის საკითხის კომენტირებისას ტელეკომპნია “ფორმულასთან ისაუბრა.
“არ არის მარტივი ამ მოჯადოებული წრის გარღვევა, მაგრამ არათუ შესაძლებელია, არამედ ასე მოხდება. ხვალაც რომ დაემატოს, ზეგაც რომ დაემატოს პოლიტიკური პატიმარი ამ გრძელ სიას, ჩვენ უნდა გავმხნევდეთ და ჭირისუფლებად არ უნდა ვიქცეთ. აი, ეს არის ის, რაც ახლა ჩვენ პირველ რიგში უნდა გადავწყვიტოთ ჩვენს თავებში, რომ წუწუნის და ჭირისუფლობის დრო არ არის, არის ბრძოლის დრო.” – თქვა მელიამ.
