უკრაინის პრეზიდენტის, ვოლოდიმირ ზელენსკის თქმით, “აზოვსტალიდან” ყველა მშვიდობიანი მოქალაქე, ექიმები და დაჭრილები გაყვანილია.
“დღეის მდგომარეობით, ყველა მშვიდობიანი მოქალაქე, რომელიც ქარხანაში იყო ბლოკირებული გაყვანილია. ქარხნის მახლობლად ან მარიუპოლში მყოფი სხვა მშვიდობიანი მოსახლეობის ევაკუაცია დიდი ხნის წინ დაიწყო. მშვიდობიანი მოქალაქეები, ექიმები, მძიმედ დაჭრილები გამოიყვანეს. ამ მომენტში, როცა ვსაუბრობთ, ვიცი რაც ხდება. ვფიქრობ, უახლოეს პერიოდში დასრულდება ყველას გამოყვანა.” – განაცხადა ზელენსკიმ მედიასთან.
