უკრაინის თავდაცვის სამინისტროს ინფორმაციით, უკრაინულმა ძალებმა გასული დღე-ღამის განმავლობაში დამატებით 150 რუსი ჯარისკაცი მოკლეს. ჯამში, მოკლული რუსი ჯარისკაცების რიცხვმა 32 300-ს მიაღწია.
უწყების ცნობით, რუსულ ძალებს ასევე სამხედრო აღჭურვილობის მიმართულებითაც აქვს დანაკარგები.
„24 თებერვლიდან 13 ივნისამდე მტრის საერთო დანაკარგი შეადგენს: 1432 ტანკს, 3492 ჯავშანტექნიკას, 718 საარტილერიო სისტემას, 226 ზალპურ სარაკეტო სისტემას, 97 საჰაერო თავდაცვის სისტემებს, 213 თვითმფრინავს, 178 ვერტმფრენს, 2460 მოტორიან ავტომობილსა და საწვავის ავზს, 13 გემს/ნავს, 585 უპილოტო საფრენ აპარატს, 54 ერთეულ სპეცტექნიკას, 125 ფრთოსან რაკეტას“, – ნათქვამია განცხადებაში.
