საქართველოს პარლამენტში ნამახვანჰესის პროექტის განხილვა მიმდინარეობს, სადაც პროექტის მოწინააღმდეგე მხარეს შესაძლებლობა მიეცათ კრიტიკული შეკითხვები დაესვათ. ერთ-ერთი გარემოსდაცვითი ორგანიზაციის კითხვებზე პასუხისას ნათია თურნავამ განაცხადა: „არ ვაპირებთ ამ პროექტის საფუძვლიან გადახედვას“.
ხეობის დამცველთა წარმომადგენლების კითხვაზე კი, რა არის სავარაუდო კომპრომისი მხარეებს შორის, თურნავამ უპასუხა, რომ „ენკას“ უფრო მეტი სოციალური პასუხისმგებლობა მართებს პროექტის მასშტაბებიდან გამომდინარე, ხოლო პროექტებსა და სიკეთეებს, რომელსაც „ენკა“ სოციალური პასუხისმგებლობის ფარგლებში განახორციელებს, ხეობის მოსახლეობისთვის უნდა იყოს ხელმისაწვდომი.
