სად ავიცრა? – ვებგვერდი გიჩვენებთ, სად არის დარჩენილი თავისუფალი ადგილები ვაქცინაციისთვის

sadavicra.ge – ვებგვერდი გიჩვენებთ, სად არის დარჩენილი თავისუფალი ადგილები Covid -19–ის საწინააღმდეგო აცრის გასაკეთებლად. 

https://sadavicra.ge – საიტზე მონაცემები ავტომატურად ახლდება, შესაბამისად, მითითებულია საქართველოს რომელ რეგიონში და რომელ კლინიკაში რომელი და რა რაოდენობის ვაქცინაა დარჩენილი.

ვებგვერდი ეყრდნობა ოფიციალური საიტის www.booking.moh.gov.ge–ის მონაცემებს, შესაბამისად, აღნიშნულ საიტზე თავისუფალი ადგილების დათვალიერების შემდეგ მომხმარებელს შეუძლია გადავიდეს მთავრობის მიერ შექმნილ ოფიციალურ გვერდზე და ვაქცინაცია დაჯავშნოს.

შეგახსენებთ, საქართველოში შესაძლებელია Covid -19–ის საწინააღმდეგო 3 ტიპის ვაქცინით აცრა: Pfizer, Astra-zeneca, Sinopharm.