სალომე სამადაშვილი საპარლამენტო არჩევნების შემსწავლელი კომისიის მუშაობას დროის ფუჭ კარგვად მიიჩნევს. დეპუტატის თქმით, ამ ეტაპზე პრიორიტეტული საარჩევნო რეფორმის გატარებაა.
„საგამოძიებო კომისია არჩევნებიდან 6 თვის შემდეგ ჩემი აზრით არის დროის ფუჭი კარგვა. ამ ეტაპზე მნიშვნელოვანია საარჩევნო რეფორმის განხორციელება, იმისთვის რომ შემდეგი არჩევნები იყოს ხარისხობრივად და თვისობრივად სხვანაირი და არა ის, რომ დრო ვკარგოთ რაღაცის გამოძიებაზე, სადაც რაიმეს დადგენა იქნება ამ ეტაპზე უკვე ფაქტობრივად შეუძლებელი“, – განაცხადა სამადაშვილმა.
