შუქრუთის მაცხოვრებლები პროტესტის 25-ე დღეს სასმელი წყლის მიღებაზე უარს ამბობენ და მშრალ შიმშილს აცხადებენ.
ჭიათურის მუნიციპალიტეტის სოფელ შუქრუთის ცხრა მკვიდრი, რომლებიც მეექვსე დღეა აქციას მართავენ თბილისში აცხადებენ, რომ დღემდე არავინ შეხმიანებიათ და სხვა გზა აღარ დარჩათ.
როგორც აქციის მონაწილეები ამბობენ, მოშიმშილეებიდან სამი ადამიანის მდგომარეობა დამძიმდა, ერთ-ერთ მათგანს კი გადაადგილებაც უჭირს.
“გადავდივართ მშრალ შიმშილობაზე. ამ დროის მანძილზე სამწუხაროდ არავინ არ დაგვკავშირებია ჩვენ, არავინ მოსულა ჩვენთან არც სახელმწიფოდან, არც სახალხო დამცველი. ან გადაიდგმება რეალური ქმედითი ნაბიჯები, ან არადა ყველა დაინახავს, რომ ამერიკის საელჩოს წინ ყველა დავიხოცებით”, – ამბობს მედიასთან აქციის მონაწილე, გიორგი ნეფარიძე.
