“აზოვის” ბატალიონის მეთაურის მოადგილემ, სვიატოსლავ პალამარმა განაცხადა, რომ “მარიუპოლის დებლოკადა შესაძლებელია“.მისივე თქმით, ბატალიონის მებრძოლებს „საკმარისი სულისკვეთება აქვთ იმისთვის, რომ დაიცვან ქალაქი იმდენ ხანს, რამდენ ხანსაც საჭირო იქნება“.
“ჩვენ ვიმედოვნებთ და ველოდებით ჩვენი სამხედრო-პოლიტიკური ხელმძღვანელობისგან გადადგმულ ნაბიჯებს ქალაქის გასათავისუფლებლად. მიგვაჩნია, რომ დებლოკადა უკვე შესაძლებელია. მებრძოლებს საკმარისი სულისკვეთება აქვთ, რათა იბრძოლონ და დაიცვან ქალაქი იმდენ ხანს, რამდენ ხანსაც იქნება საჭირო”, – განაცხადა აზოვის ბატალიონის წარმომადგენელმა, სვიატოსლავ პალამარმა.
„უკრაინსკაია პრავდას“ ინფორმაციით, ქალაქი მარიუპოლი 1 -ელი მარტის შემდეგ რუსეთის ბლოკადაში იმყოფება.
