“ქედმაღლური პოზიცია ვნახეთ, ეს არ შეეფერება ქართველ კაცს” – ამის შესახებ “ლელოს” ლიდერმა ბადრი ჯაფარიძემ ბუჩაში საქართველოს პარლამენტის თავმჯდომარის, შალვა პაპუაშვილის მიწვევაზე ქართული ოცნების რეაქციის საპასუხოდ განაცხადა.
“ყველამ ვნახეთ აქეთ, პირიქით საყვედურები უკრაინის ხელისუფლების მიმართ, ქედმაღლური პოზიცია. ეს არ შეეფერება ქართველ კაცს, რომელიც თავისუფლებისთვის მებრძოლი უკრაინელი ხალხის გვერდში უნდა იდგეს. საყვედურებისა და ქედმაღლობის ნაცვლად, საქართველოს ხელისუფლების წარმომადგენლები უნდა ჩავიდნენ კიევში, უნდა ჩავიდნენ ბუჩაში და გამოხატონ სოლიდარობა და თანადგომა უკრაინელი ხალხის, მათი ხელისუფლების მიმართ”. – განაცხადა ჯაფარიძემ.
