ინდოეთში COVID-19-სგან სიკვდილიანობა მეორე დღეა, 4,000-ს აღემატება, რაც გარდაცვალების რეკორდული მაჩვენებელია.
ვირუსის გავრცელების შესაჩერებლად ქვეყნის მასშტაბით ჩაკეტვის მოთხოვნა გაიზარდა და ადგილობრივი მედიის ინფორმაციით, მთავრობა აქტიურად განიხილავს ქვეყნის ჩაკეტვის გეგმას.
ბოლო 24 საათის განმავლობაში ინდოეთის ჯანდაცვის სამინისტროს ინფორმაციით 4 092 ადამიანი გარდაიცვალა – ქვეყანაში სულ 242 362 ადამიანია კორონავირუსით დაღუპული. ახალი შემთხვევების რაოდენობა კი 403 738-ით გაიზარდა, პანდემიის დაწყების შემდეგ ქვეყანაში ინფიცირების შემთხვევათა სრულმა რაოდენობამ კი 22.3 მილიონს მიაღწია.
ინდოეთი COVID-19-ის მეორე ტალღამ მძიმედ დააზარალა, შემთხვევები და სიკვდილიანობა რეკორდულად მაღალ მაჩვენებელს ყოველ მეორე დღეს აღწევს. ბევრ საავადმყოფოში ჟანგბადის და საწოლების უკმარისობის და მორგებისა და კრემატორიუმების გადატვირთვის გამო ექსპერტები აღნიშნავენ, რომ COVID-19-ით ინფიცირებისა და დაღუპვის შემთხვევების რეალური რაოდენობა შეიძლება, ბევრად მაღალი იყოს.
