ქვეყანაში გაზრდილი კოვიდსტატისტიკისა და დაწესებული რეგულაციების ფონზე, მათ შორის სასაფლაოებზე გასვლაზე დაწესებული რეგულაციის ფონზე, დღეს რიონის ხეობაში დიდი სადღესასწაულო სუფრა გაიშალა და იქ მყოფ ადამიანების უდიდეს ნაწილს პირბადეებიც კი, არ ეკეთათ.
ნამახვანჰესის მოწინააღმდეგეებმა, „რიონის ხეობის მცველებმა“ და „ჯვაროსნულმა მსვლელობამ“, დაწესებული რეგულაციების დარღვევით, სოფელ ტვიშში ჯვრის აღმართვა აღნიშნეს. ქეიფი, კოვიდრეგულაციების დარღვევით, რამდენიმე საათი გაგრძელდა. ჯვარი კი, მეუფე სტეფანეს ლოცვა-კურთხევით, იმ ადგილას აღიმართა, რომელიც ჰესის მშენებლობის არეალში არ შედის.
