გოგი წულაია ითხოვს ექსპერტიზას, რომელიც დაადგენს, შეუძლია თუ არა მას სქესობრივი აქტის დამყარება. ამის შესახებ წულიას ადვოკატმა, ვალერი გელბახიანმა “მთავარი არხის” ეთერში, გადაცემაში “სხვა ნანუკა” განაცხადა.
ვალერი გელბახიანის თქმით, გოგი წულაიას პოზიცია იყო ამ საკითხზე სასამართლოზე საჯაროდ საუბარი.
„მან მოითხოვა სასამართლოზე ამ ტიპის ექსპერტიზის ჩატარება. თქვა, ოპერაციის მერე, ჯერ ერთი მეკრძალებოდა და მეორე, უნარიც არ მქონდა ამ ტიპის მოქმედებებისო. ექსპერტიზაც დაადასტურებდა, რომ ქმედუნარიანი არ იყო. მე უბრალოდ ის ვთქვი, რომ მას დაქვეითებული ჰქონდა ეს უნარები… გოგი წულაია ახლაც ითხოვს ექსპერტიზის ჩატარებას, იმიტომ რომ ამ ექსპერტიზის დასკვნებით გამოირიცხება ყოველგვარი მითქმა-მოთქმა და თუნდაც ის უსაფუძვლო ბრალდებები, რასაც მას ახლა პროკურატურა უყენებს,“ – აღნიშნა ვალერი გელბახიანმა.
