Google-მა რუსეთის დუმის Youtube არხი დაბლოკა. რუსეთის სახელმწიფო სათათბიროს ხელმძღვანელის, ვიაჩესლავ ვოლოდინის განცხადებით, აშშ-ის ხელისუფლება საინფორმაციო ომს აწარმოებს რუსეთის წინააღმდეგ.
“აშშ-ის ხელისუფლება აიძულებს ამერიკულ IT კომპანიებს, რომლებიც ფლობენ სოციალურ ქსელებს, აწარმოონ საინფორმაციო ომი ჩვენი ქვეყნის წინააღმდეგ”, – განაცხადა ვოლოდინმა.
საგარეო საქმეთა სამინისტროს სპიკერis, მარია ზახაროვაs განცხადებით კი, YouTube-მა “საკუთარი ბედი დალუქა”.
Google-ში აცხადებენ, რომ პარლამენტის ქვედა პალატის YouTube არხის დაბლოკვისას კომპანია მოქმედ სანქციებს დაემორჩილა.
“Google ვალდებულია დაიცვას ყველა მოქმედი სანქცია და ვაჭრობის შესაბამისობის კანონები. თუ ანგარიში არღვევს ჩვენი მომსახურების პირობებს, ვიღებთ შესაბამის ზომებს“, – განაცხადა Google-ის წარმომადგენელმა.
