“ქართული ოცნების” თავმჯდომარის ირაკლი კობახიძის თქმით, ბიძინა ივანიშვილისთვის ტრანზაქციების შეფერხებას ლეგიტიმური საფუძველი არ აქვს.
კობახიძე ამაში “ერთგვარ შანტაჟის ნიშნებს” ხედავს.
“აქ აშკარად ჩანს, რომ არავითარი ლეგიტიმური საფუძველი ამ შეფერხებებს არ აქვს. არის ერთგვარი შანტაჟის ნიშნები. რა დგას ამის უკან, მე არ ვიცი, მაგრამ ეს ნიშნები აშკარად არსებობს. თავისთავად ლეგიტიმური საფუძველი რომ არ აქვს ამ ქმედებებს, ამას ადასტურებს ის, რომ საბოლოო ჯამში ყველა ტრანზაქცია მაინც ხორციელდება, შეფერხებით, მაგრამ ხორციელდება”, – განაცხადა კობახიძემ ტელეკომპანია “იმედთან”.
