იმ ქვეყნებმა, სადაც მოსახლეობის 40%-ზე მეტი უკვე აცრილია, ვაქცინები არ უნდა მიიღონ, – ამის შესახებ ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა.
„ვიდრე COVAX-ის პლატფორმას არ ექნება ვაქცინები, რომელიც მას სხვა ქვეყნების დასახმარებლად სჭირდება, იმ ქვეყნებმა, სადაც მოსახლეობის 40%-ზე მეტი უკვე აცრილია, ვაქცინები არ უნდა მიიღონ“, – აღნიშნა ტედროს ადჰანომ გებრეიესუსმა.
ჯანდაცვის მსოფლიო ორგანიზაციის გენერალურმა დირექტორმა ასევე განაცხადა, რომ კორონავირუსის საწინააღმდეგო ვაქცინების გამაძლიერებელი დოზები მხოლოდ დაქვეითებული იმუნიტეტის მქონე პირებს უნდა დაუნიშნონ.
