“ქართული ოცნების” თავმჯდომარე, ირაკლი კობახიძე ამბობს, რომ საერთაშორისო ორგანიზაცია Amnesty International-ის წყაროები მცდარ ინფორმაციას აწვდიან. როგორც კობახიძემ ტელეკომპანია “რუსთავი 2”-ის ეთერში განაცხადა, ამ წყაროებს შორისაა სახალხო დამცველიც და გარკვეული არასამთავრობო ორგანიზაციები.
“პირველი წინადადებით რომ დავიწყოთ, “ხუთი კვირა შიმშილობს” – უკვე ტყუილია. ტყუილი მიაწოდეს კონკრეტულ ორგანიზაციას და მათაც ეს ინფორმაცია გაავრცელეს. სამწუხარო რეალობაა, მაგრამ ესაა რეალობა. პირველი წინადადებაში არის ტყუილი, ყველაფერ დანარჩენში არის ტყუილი. იტყუება არა კონკრეტული ორგანიზაცია, არამედ მისი წყარო”, – ამბობს კობახიძე.
საერთაშორისო უფლებადაცვითმა ორგანიზაციამ, Amnesty International განაცხადა, რომ ის, რაც სააკაშვილის მიმართ ხდება, არის არამხოლოდ შერჩევითი სამართალი, არამედ აშკარად პოლიტიკური შურისძიება.
