საქართველოს სტატისტიკის ეროვნული სამსახურის ახალი კვლევის მიხედვით, საქართველოში გამოკითხულთა 36.8% კორონავირუსის საწინააღმდეგო ვაქცინის გაკეთებაზე უარს გვერდით მოვლენების გამო ამბობს.
რა მიზეზებით არ იცრებიან ადამიანები საქართველოში?
კვლევის შედეგები:
36.8% კორონავირუსის საწინააღმდეგო ვაქცინის გაკეთებაზე უარს გვერდით მოვლენების გამო ამბობს
35.8%-ის აზრით, ვაქცინა ძალიან ახალია, სწრაფად შეიქმნა და საკმარისად არ არის გამოცდილი
32.1%–თვის ჯანმრთელობის არსებული პრობლემებია მიზეზი
13.9% უარის მიზეზად ვაქცინის კონკრეტული ბრენდების მიმართ უნდობლობას ასახელებს
12.4% ფიქრობს, რომ ვაქცინა სიკვდილს ან უნაყოფობას იწვევს
8.6% წინააღმდეგობის მიზეზად ზოგიერთ მედიკამენტზე ალერგიას ასახელებს
7.9% ამბობს, რომ კორონავირუსის გადატანის შედეგად იმუნიტეტი უკვე გამომუშავებული აქვს
4.6% მიიჩნევს, რომ კორონავირუსით გამოწვეული საფრთხე გაზვიადებულია
2.6%-ს მიაჩნია, რომ ვაქცინის ტესტირება მოსახლეობაზე ხდება
0.1%–ის აზრით ვაქცინაცია რელიგიურ შეხედულებებს ეწინააღმდეგება
გამოკვლევის შედეგების მიხედვით, რესპონდენტებს, ვისაც არ გაუკეთებია covid 19 -ის საწინააღმდეგო ვაქცინა და ძალიან მოსალოდნელია ან მოსალოდნელია, რომ გაიკეთონ, არჩევანის არსებობის შემთხვევაში,
53.8% „პფაიზერ-ბიონტექს“ გაიკეთებდა,
„სინოფარმს“ – 31.9%,
„სინოვაკს“ – 12%,
„ასტრაზენეკას“ კი – 3.1%.
შეგახსენებთ, რომ ამ დროისთვის საქართველოში კორონავირუსის საწინააღმდეგო სხვადასხვა ვაქცინით ზრდასრული მოსახლეობის 35,1%-ია აცრილი.
საქართველოს სტატისტიკის ეროვნულმა სამსახურმა ახალი კვლევა – ოჯახებისა და ბავშვების კეთილდღეობაზე COVID-19-ის გავლენის რეალურ დროში დღეს გამოაქვეყნა.
