ექსპრეზიდენტის მიხეილ სააკაშვილის თქმით, უმჯობესი იქნება, თუ მისი გათავისუფლების კამპანიაზე საინიციატივო ჯგუფი იმუშავებს. ამის შესახებ სააკაშვილმა სოციალურ ქსელ “ფეისბუქით” გავრცელებულ მიმართვაში დაწერა.
“რათა გავფანტოთ სუს-ის მიერ ცირკულირებული სპეკულაციები, ასევე მანევრირებისთვის მეტი სივრცე და მთავარ საკითხზე კონცენტრაციის მეტი შესაძლებლობა დავუტოვოთ ოპოზიციურ პარტიებს, ვფიქრობ, უმჯობესი იქნება, ჩემი გათავისუფლების კამპანიაზე იმუშაოს საინიციატივო ჯგუფმა, რომელიც, ერთის მხრივ, გაითვალისწინებს ოპოზიციის გენერალურ პოლიტიკური ხაზს და, მეორეს მხრივ, კოორდინაციას გაუწევს მიმდინარე კამპანიას.” – წერს სააკაშვილი.
სააკაშვილი ასევე აღნიშნავს, რომ საკუთარ თავს მომავალ ხელისუფლებაში არ ხედავს.
