„აქტიურად ვმუშაობთ განვაახლოთ სატენდერო დოკუმენტაცია. წლის პირველ ნახევარში შევძლებთ გამოვაცხადოთ ინვესტორებისთვის კონკურენტული შერჩევის პროცესი,“- ამის შესახებ ეკონომიკისა და მდგრადი განვითარების მინისტრმა ნათია თურნავამ ჟურნალისტებთან განაცხადა.
„პრემიერ-მინისტრმა დაგვავალა, რომ გავააქტიუროთ მომზადება ანაკლიის პორტის მშენებლობის ახალი ტენდერის გამოსაცხადებლად. ძალიან ბევრი ცვლილება მოხდა რეგიონში, ზოგადად გლობალურადაც და პანდემიის პირობებში. აქტიურად ვმუშაობთ განვაახლოთ სატენდერო დოკუმენტაცია. ვფიქრობთ, რომ წლის პირველ ნახევარში შევძლებთ გამოვაცხადოთ ინვესტორებისთვის კონკურენტული შერჩევის პროცესი“,- განაცხადა ნათია თურნავამ.
ცნობისთვის, მთავრობის სხდომაზე პრემიერ-მინისტრმა ირაკლი ღარიბაშილმა განაცხადა, რომ უახლოეს მომავალში ანაკლიის პროექტის ახალი ინვესტორის შერჩევის პროცესი დაიწყება.
