ოთხ მინისტრს კორონავირუსი დაუდასტურდა. მთავრობის ადმინისტრაციის ინფორმაციით, მინისტრები მუშაობას დისტანციურად აგრძელებენ. ისინი აღნიშნული მიზეზით არ დაესწრნენ დღევანდელ მთავრობის სხდომასაც.
კორონავირუსი დაუდასტურდა განათლების მინისტრს, მიხეილ ჩხენკელს, თავდაცვის მინისტრს, ჯუანშერ ბურჭულაძეს, გარემოს დაცვისა და სოფლის მეურნეობის მინისტრს, ლევან დავითაშვილს და ინფრასტრუქტურის მინისტრს, ირაკლი ქარსელაძეს.
24 იანვრის დილის მონაცემებით, ქვეყანაში კორონავირუსის 7 947 ახალი შემთხვევა დადასტურდა.გარდაიცვალა კიდევ 31 პაციენტი. დადებითობის დღიური მაჩვენებელი 22.65%-ია.
