ოზურგეთში ფქვილის გადამამუშავებელი საწარმო “გულისტანის” თანამშრომლები უკვე მე-7 დღეა გაფიცულები არიან. ისინი ხელმძღვანელებისგან სამუშაო პირობების გაუმჯობესებას და ხელფასის გაზრდას მოთხოვენ. “გურიანიუსის” ინფორმაციით, ისინი ხელფასების 200 ლარით ზრდას ითხოვენ. საწარმოში ამბობენ, რომ დასაქმებულთა ხელფასი 650 ლარია, მუშები კი აცხადებენ, რომ ხელზე 650 ლარს ვერ იღებენ.
“ამ სამსახურის იმედად ავიღეთ ყველამ სესხები. ყველაფერი გაძვირებულია. იმას რომ ახალისებს 180 000 ლარიანი მანქანით. მე არ მინდა წახალისება, მე ჩემს ნამუშევარს ვითხოვ… სწორედ ამიტომ ვითხოვთ 200 ლარს, რომ 650 ავიღოთ”, — ამბობს ერთ-ერთი გაფიცული მაუწყებელთან.
