პარლამენტში საგარეო კომიტეტის სხდომაზე ხელისუფლებისა და ოპოზიციის დეპუტატები ერთმანეთს დაუპირისპირდნენ.
კომიტეტის თავმჯდომარე ნიკოლოზ სამხარაძესა და ფრაქცია „ლელოს“ წევრ სალომე სამადაშვილს შორის უკრაინის მხარდამჭერი რეზოლუციის გარშემო კამათი რამდენიმე წუთის განმავლობაში გრძელდებოდა.
„ჩვენ დღეს ვმსჯელობთ ძალიან მნიშვნელოვან საკითხზე, თქვენ კი ვერ მიგყავთ კომიტეტის სხდომა, ვერ ასრულებთ საკუთარ ფუნქციას, კლოუნადის საყურებლად არ მოვსულვართ. აუხსენით საზოგადოებას თქვენი რეზოლუციის შინაარსი“, – მიმართა სამადაშვილმა სამხარაძეს.
„ჩვენ ოპოზიციის ინიცირებულ რეზოლუციას იმიტომ კი არ ვეთანხმებით, რომ ოპოზიციის ინიცირებულია, არამედ იმიტომ, რომ შინაარსობრივად ისინი ყოველთვის საჭიროებენ დახვეწას. ნუ უზრდელობთ, კიდევ ერთი საცირკო წარმოდგენა წარმატებით დაასრულეთ“, – უპასუხა სამხარაძემ სამადაშვილს.
